Bhar Do Jholi Meri Ya Muhammad

Please find the lyrics of one of the greatest qawwalies from Shabri brothers. Though it is very old, aashique-e-rasool recite them today also and it has not lost it lusture and freshness. Hope you will like it.

Shah-e-Madina Suno, Iltija Khuda ke Liye
Karam Ho Mujh Pe Habibi-e-Khuda, Khuda Ke Liye
Huzoor Uncha E Ummed Ub To Khil Jaye
Tumhare Der Ka Gada Hoon To Bhi Tum He Jaye

Bhar Do Jholi, Bhar Do Jholi Meri Ya Muhammad
Laut Kar Main Na Jaunga Khali

Bhar Do Jholi Meri Ya Muhammad
Laut Kar Mein Na Jaunga Khali
Bhar Do Jholi Meri Ya Muhammad
Laut Kar Mein Na Jaunga Khali

Bhar Do Jholi, Bhar Do Jholi, Bhar Do Jholi Hum Sub Ki
Bhar Do Jholi, Bhar Do Jholi, Bhar Do Jholi Muhammad
Bhar Do Jholi Ata Ki Bhar Do Jholi
Bhar Do Jholi, Bhar Do Jholi, Bhar Do Jholi

Tumhare Aastane Se Zamana Kya Nahi Paata
Koi Bhi Dar Se Khaali Mangne Wala Nahi Jata

Bhar Do Jholi Meri Sarkar-e-Madina
Bhar Do Jholi Meri Tajdar-e-Madina

Tum Zamane Ke Mukhtar Ho Ya Nabi
Bekason Ke Madadgaar Ho Ya Nabi
Sab Ki Sunte Ho Apne Ho Ya Ghair Ho
Tum Ghareebon Ke Ghamkhaar Ho Ya Nabi

Bhar Do Jholi Meri Sarkar-e-Madina
Bhar Do Jholi Meri Tajdar-e-Madina

Hum Hain Ranj-O-Musibat Ke Mare Hue
Sakht Muskhil Se Hain Gham Se Haare Hue
Ya Nabi Kuch Khudara Hamein Bheek Do
Dar Pe Aain Hain Jholi Pasaare Hue

Bhar Do Jholi Meri Sarkar-e-Madina
Bhar Do Jholi Meri Tajdar-e-Madina

Hain Mukhalif Zamana Kidhar Jayen Hum
Halat-e-Bekasi Kis Ko Dikhlae Hum
Hum Tumhare Bhikari Hain Ya Mustafa
Kis Ke Aage Bhala Haath Phailayen Hum

Bhar Do Jholi Meri Sarkar-e-Madina
Bhar Do Jholi Meri Tajdar-e-Madina

Bhar Do Jholi Meri Ya Muhammad
Laut Kar Mein Na Jaunga Khaali

Bhar Do Jholi Meri Ya Muhammad
Laut Kar Mein Na Jaunga Khaali
Kuch Nawasoon Ka Sadqa Ata Ho
Dar Pe Aaya Hoon Ban Kar Sawali

Haq Se Paayi Wo Shaan-e-Karimi
Marhaba! Dono Aalam Ke Waali
Us Ki Qismat Ka Chamka Sitara
Jis Pe Nazr-e-Karam Tum Ne Daali

Zindagi Bakhsh Di Bandagi Ko
Aabroo Deen-e-Haq Ki Bacha Li
Wo Muhammad Ka Pyara Nawasa
Jis Ne Sajde Mein Gardan Kata Li

Zindagi Bakhsh Di Bandagi Ko
Aabroo Deen-e-Haq Ki Bacha Li
Jo Ibn-e-Murtaza Ne Kia Kaam Khoob Hai
Qurbani-e-Hussain Ka Anjaam Khoob Hai

Qurbaan Ho Ke Fatima Zahra Ke Chain Ne
Deen-e-Khuda Ki Shaan Badhai Hussain Ne
Bakhshi Hai Jis Ne Majhab-e-Islam Ko Hayaat
Kitni Azeem Hazrat-e-Shabbir Ki Hai Zaat

Maidaan-e-Karbala Mein Shah-e-Khush Khisaal Ne
Sazde Mein Sar Kata Ke Muhammad Ke Laal Ne
To Zindagi Bakhsh Di Bandagi Ko
Aabroo Deen-e-Haq Ki Bacha Li

Wo Muhammad Ka Pyara Nawasa
Jis Ne Sajde Mein Gardan Kata Li
Wo Muhammad Ka Pyara Nawasa
Jis Ne Sajde Mein Gardan Kata Li

Hashr Mein Un Ko Dekhenge Jis Dam
Ummati Yeh Kahenge Khushi Se
Aa Rahe Hain Wo Dekho Muhammad
Jin Ke Kandhe Pe Kamli Hai Kaali

Mehshar Ke Roz Paish-e-Khuda Honge Jis Ghadi
Hogi Gunaahgaaron Mein Kis Darja Bekali
Aate Hue Nabi Ko Jo Dekhenge Ummati
Ek Doosre Se Sab Yeh Kahenge Khushi Khushi

Aa Rahe Hain Wo Dekho Muhammad
Aa Rahe Hain Wo Dekho Muhammad
Aa Rahe Hain Wo Dekho Muhammad
Aa Rahe Hain Wo Dekho Muhammad

Sar-e-Mehshar Gunaahgaaron Se Pursish Jis Ghadi Hogi
Yaqeenan Har Bashar Ko Apni Bakshish Ki Padi Hogi
Sabhi Ko Aas Us Dam Kamli Wale Se Lagi Hogi
Ke Aise Mein Muhammad Ki Sawari Aa Rahi Hogi

Pukarega Zamana Us Ghadi Dukh Dard Ke Maaro
Na Ghabrao Gunaahgaaro! Na Ghabrao Gunaahgaaro!
Aa Rahe Hain Wo Dekho Muhammad
Jin Ke Kaandhe Pe Kamli Hai Kaali

Aashiq-e-Mustafa Ki Azaan Mein
Allah Allah Kitna Asar Tha

Sacha Yeh Waqia Hai Azaan-e-Bilal Ka
Ek Din Rasool-e-Paak Se Logo Ne Yoon Kaha
Ya Mustafa Azaan Ghalat Dete Hain Bilal
Kahiye Huzoor Aap Ka Is Mein Hai Kya Khayal

Farmaya Mustafa Ne Ye Sach Hai To Dekhe
Tapte Sehr Ki Aaj Azaan Koi Aur De
Hazrat Bilal Ne Jo Azaan-e-Sehr Na Di
Qudrat Khuda Ki Dekho Na Mutlak Sehr Hui

Hazrat Bilal Ne Jo Azaan-e-Sehr Na Di
Qudrat Khuda Ki Dekho Na Mutlak Sehr Hui
Aaye Nabi Ke Paas Phir Ashaab-e-Ba-Safa
Ki Arz Mustafa Se Ke Ya Shah-e-Ambiya
Hai Kya Sabab Sehr Na Hui Aaj Mustafa
Jibreal Laaye Aise Mein Paighaam-e-Kibriya
Pehle To Mustafa Ko Adab Se Kiya Salaam
Baad-As-Salaam Un Ko Khuda Ka Dia Payaam

Yoon Jibreal Ne Kaha Khair-Ul-Anaam Se
Ke Allah Ko Hai Pyaar Tumhare Ghulaam Se
Yoon Jibreal Ne Kaha Khair-Ul-Anaam Se
Allah Ko Hai Pyaar Tumhare Ghulaam Se

Yoon Jibreal Ne Kaha Khair-Ul-Anaam Se
Allah Ko Hai Pyaar Tumhare Ghulaam Se
Farma Raha Hai Aaj Se Yeh Rab-e-Zuljallal
Ke Hogi Na Subah Denge Na Jab Tak Azaan Bilal

Aashiq-e-Mustafa Ki Azaan Mein
Allah Allah Kitna Asar Tha
Arsh Wale Bhi Sunte The Jis Ko
Kya Azaan Thi Azaan-e-Bilali

Kaash Purnam Dayar-e-Nabi Mein
Jeete Ji Ho Bulawa Kisi Din
Haal-e-Gham Mustafa Ko Sunaoon
Thaam Kar Un Ke Roze Ki Jaali

Haal-e-Gham Mustafa Ko Sunaoon
Thaam Kar Un Ke Roze Ki Jaali

Bhar Do Jholi Meri Ya Muhammad
Laut Kar Main Na Jaunga Khaali.

posted @ Friday, May 04, 2012 7:24 PM

Print

Advertisements at BlogUnlimited.com

Comments on this entry:

No comments posted yet.



Your comment:



 (will not be displayed)


 
 
 
Please add 3 and 5 and type the answer here:

 

Live Comment Preview:

 
«December»
SunMonTueWedThuFriSat
30123456
78910111213
14151617181920
21222324252627
28293031123
45678910

Advertisements at BlogUnlimited.com